張學友和曾志偉發起紀念梅艷芳逝世十年的音樂會，前晚在會展圓滿結束，一眾有份演出的藝人完騷後，到上環出席慰勞宴繼續敍舊。眾人延續阿梅愛熱鬧的性格，在慰勞宴上盡興而歸，以行動告訴阿梅，大家永遠將她放在心中！

學友於凌晨時分離開，雙手合十多謝傳媒。

志偉現身慰勞宴時清醒笑笑口，未知會否飲醉被抬走？

關淑怡拿着一束玫瑰到場。

一個人走的阿詩，透露場內氣氛不錯。

志偉和學友發起紀念阿梅的音樂會，獲不少明星名人支持，順利完成。

前晚約十一時，曾志偉、張學友、何韻詩等陸續抵達慰勞宴場地，關淑怡手執一束紅玫瑰，志偉自爆在音樂會上感觸落淚：「有兩樣嘢永遠唔會錯過，一個係喊，一個係醉。」隨即有工作人員從車廂搬出四大箱酒上樓。學友緊接到場，他指老婆羅美薇留在家中看直播，未有一同前來。

笑志偉被人抬落嚟

近凌晨一時，學友盡興離開慰勞宴，並雙手合十多謝記者，又指場內氣氛很好：「我都飲咗少少酒。（志偉呢？）佢應該好似平常咁樣抬落嚟o架喇！」阿詩獨自離開時說：「個氣氛好似慶功宴咁！（有冇提梅姐？）冇刻意特別講，我哋會諗起以前佢仲喺度嗰時，完咗會齊人聚埋一齊，今晚有好多好耐冇見嘅歌手、前輩嚟咗。」提到志偉感觸落淚，阿詩說：「佢係性情中人。（佢醉咗未？）佢一陣落嚟你咪知。」不過最後都未見志偉離場。

阿詩昨日在Instagram上載多張音樂會的相，其中一張是陳奕迅、楊千嬅及梁漢文等新秀出身的合照，並寫道：「新秀同學會，是你的一個心願，今夜我們亦因你而相聚。」另外，本報向康文署查詢在星光大道豎立梅艷芳銅像一事，康文署發言人透過電郵承認收到申請，惟需更多資料才能作進一步考慮。

音樂組