天王郭富城前晚孤伶伶做「宅佬」獨守家中度過Lonely Christmas，但昨日在簽名會獲逾千粉絲捧場的他不愁寂寞，更風騷自認專一，並笑言因為揀女友太辛苦。

雖然今年冇Lynn陪過聖誕，但有現場大班Fans支持，城城即風騷大擺型仔舞姿！

與聖誕老人派禮物的城城大受歡迎，難怪小朋友都爭住錫！

城城呢下踢腿盡顯功架，睇到樓上圍觀的市民嘩嘩聲！

城城昨日以火紅毛衣造型出席「apm x 郭富城《舞臨盛宴》世界巡迴演唱會『香港站』聖誕簽名會」，更大晒舞姿扭腰又踢腿，風騷非常，逾千圍觀的市民更逼爆七層樓！城城的演唱會DVD銷量達1.2萬張，與經理人小美及好友兼排舞師Sunny齊齊開香檳慶祝。

平安夜返歸

城城表示適逢聖誕節，市民消費力變強，他將演唱會DVD作為聖誕禮物與歌迷分享，碟內還有相集附送。問到揀相還是揀女朋友辛苦？他笑說：「現階段揀相辛苦啲！（過咗個寂寞平安夜？）我真係冇諗喎，平安夜同朋友食完飯就返咗屋企，仲睇埋十二點凌晨新聞同劇本。」

去年城城與舊愛熊黛林在外地過聖誕，問到去年是否過得特別開心？城城說：「係好開心，因為喺美國開騷！（當時阿Lynn去埋睇騷？）過咗去啦！聖誕節開心日子，講番開心嘢，今晚會同屋企人食飯。」說到不結婚予人感覺不羈？城城卻不認同：「唔結婚唔代表不羈嘅，我都好專一。」不過他坦言現階段仍會以事業為先，不談愛情，而明年的專注力會放在電影上。