才女卓韻芝舉行「成人限定」棟篤笑，愈夜愈開放的她不設底線，與觀眾大談「性經」，講到興起更爆粗及做出不文手勢，又毫無保留分享「床戰」經驗，令人聽得熱血沸騰！

阿芝講到興起，索性用手比畫等觀眾易想像。

睇嚟阿Sa（右）唔怕畀阿芝「擺上枱」，到場力撐！

卓韻芝前晚假伊館舉行《卓韻芝One Night Stand床上哈哈笑》棟篤笑頭場，阿芝婆婆、施南生、蔡卓妍（阿Sa）、Shine與HotCha的Winkie及Regen都有捧場。舞台設計成一張大床，阿芝以一身閃片睡衣現身，和觀眾大講「性經」，講到高潮她更爆粗及做出粗口手勢，全場High爆！

阿芝毫無保留分享和男人「搞嘢」的經歷：「有次個男人喺我面前除褲，我一見即刻借搵銀包叫佢着番，（下體）唔係Size問題，唔係健康問題，但呢件唔知咩嚟，（手臂做出7字形狀）長頸鹿？係鐵鈎船長呀！」她又不時向身邊人「埋手」：「社會好多人夠前衞公開性取向，黃耀明、何韻詩、Wyman（黃偉文），Sorry，Wyman冇，佢係去遊行啫！」她又在婆婆面前自爆曾一起看鹹片：「有次朋友Send咗個鹹網畀我睇，突然後面有把聲話核突，又話我睇啲咁嘅嘢，後尾我由得佢一齊睇，睇完婆婆仲問有冇第二集！」

預畀阿婆罰跪玻璃

訪問時，阿芝表示度稿時有想過擺朋友上枱會得罪人，但她笑言沒有向朋友備案：「冇呀，始終係講笑，唔好警告佢哋，由得佢哋自己Shock！」提到這次棟篤笑粗口黃腔樣樣齊，阿芝強調是最大膽的一次，希望觀眾不要顧忌，將怒氣全部發洩出來，又說：「一定畀阿婆鬧死，返去要跪玻璃！」