岑麗香、黃宗澤（Bosco）及楊愛瑾等昨日齊集將軍澳電視城，宣傳新劇《貓屎媽媽》，對於首次擔正做女主角，香香表示有壓力：「因為未試過咁多戲，好多嘢學，但出街成績冇得控制，會放鬆同祈禱！我今年計埋拍緊嘅《醋娘子》，一共拍咗五套劇。（怕唔怕觀眾會厭？）都有啲驚，希望大家接受我！我有轉髮型！（指造型各有不同）。」她又指《貓》劇與黃宗澤有人工呼吸戲！

黃宗澤與香香齊齊出席新劇的宣傳活動。

至於Bosco則否認與姚子羚的緋聞，他說：「笑料啦！張相係《好心作怪》結局個食飯時影嘅，萬綺雯都在場，我連姚子羚電話都冇呀！（同餐廳生意拍檔都有傳緋聞？）做生意係有拍檔，唔係男就係女o架啦！唔通係貓咩？（仲係單身？）我忙到連瞓覺都冇時間呀！」