前保安局局長李少光兒子李霖恩的四歲女兒，在節目《爸B也Upgrade》中被封為「港童」，成為城中熱話，無綫正構思添食，人選分別是張智霖、呂良偉和曹永廉等，讓觀眾一睹星級老竇如何照顧子女！

《爸B》疑再添食，並計劃請星級「爸B」呂良偉及囝囝參加。

無綫親子真人騷《爸B也Upgrade》近日成為網上熱烈討論的話題，指出不少家長溺愛兒童，一共六集的《爸B》前晚播放最後一集，監製衞世輝昨日接受訪問時坦言，正構思開拍第二輯，而「爸B」人選暫定是「Cool魔」張智霖、呂良偉及曹永廉，相信不少觀眾都想看看「Cool魔」如何與兒子「魔童」相處、阿呂的好打兒子在平日是否好動成性等。

至於曹永廉表示，其六歲兒子雖在香港出生，但有信心兒子並非「港童」：「公司係有搵我但時間配合唔到，有睇到微博上霖恩個囡囡被鬧。（擔心兒子暴露「港童」性格？）佢喺香港出世，但囝囝暫時都未有壞習慣，都OK嘅！」

清兒「犯禁」偷食

而前晚的《爸B》中的熱論位，仍在李霖恩的四歲女兒「清兒」身上，節目偷拍了清兒在房中「犯禁」偷食朱古力，片段播出後作為父親的霖恩當然不滿意女兒的服從性不足，並表示事後亦有予以責備：「囡囡都有唔開心，其實拍攝過程都有幾個鐘，佢忍咗好耐，最後都犯禁，佢都知錯！（六集完成之後有咩得着？）我會更在意囡囡嘅缺點同幫佢改進！（添食再參加？）想o架！可以睇個女有冇進步！」