何佩瑜（Jeana）昨日穿低胸裙出席SOLO BEAUTY開幕禮，對於《好報》拍到她夜蒲時爆樽及喪喊，她承認當時情緒激動，問到是否如報道所指因有片商以百五萬斟她拍露點戲所致？她笑說：「你哋收風咁勁，其實仲未搵我傾，當日唔係為呢件事。」她稱主因是為電影，並透露最近接了一部鬼片，但她卻有陰影：「之前拍過一部鬼片後就成日畀鬼責，試過畀男鬼強吻。（咁拍露點戲輕鬆啲？）露點係另一個難關，露兩粒點就係成世。拍戲要睇班底，如果加呢啲戲係合理嘅話……（會考慮？）到時先算。」

穿低胸裙出席活動的Jeana，自稱曾被男鬼強吻。

寸嘴Barbie穿上性感窩釘裝，大晒35C勁爆身材。

大露玉背的Celia K.，對於不獲邀出席宣傳感到失望。

雨僑（左起）、Jeana和林德信等互送禮物

Jeana更將胸圍笠住林德信雙眼。

另外，前晚Jeana與雨僑、「寸嘴Barbie」夏尉喻、許亦妮和郭穎兒（Celia K.）等，出席電影《喜愛夜蒲3》首映，穿低胸裝的Jeana大晒33C本錢，活動上安排演員互送聖誕禮物，收到性感內衣的Jeana勁High，索性將胸圍笠住林德信雙眼，令他頓成「變態超人」。Jeana笑言跟林德信看激情戲時便鬥遮對方眼及鬥揸實對方手，問到會否怕松岡李那嬲？她說：「我冇男朋友，但唔會亂嚟。」又謂不會搶人男友。

至於同場的寸嘴Barbie穿上性感窩釘裝，大晒35C勁爆身材。另穿性感大露背的Celia K.眼濕濕承認因不獲邀出席新片宣傳而感到失望。