阮兆祥昨日為《阮兆祥2013 1祥朋友演唱會》綵排，祥仔大賣關子表示，每場都會有巨星上台合唱：「有位神秘嘉賓會同我唱《芳華絕代》，至於係邊個，到時就知。」他又指為個唱勁減10多磅，至於會否爆衫？他笑說：「會有一Part同女仔跳辣身舞，如果男仔都想睇我露，咪露囉！」他又指緊張得半夜驚醒，但亦感激黃柏高（Paco）：「Paco送咗隻歌畀我，你知佢係樂壇金手指，一點石就成金o架，仲包埋製作費添！」

祥仔達成心願開騷，更獲Paco送歌，難怪練歌時情緒高漲。