胡杏兒及周麗淇化身高貴公主到尖沙咀出席活動，杏兒透露最近忙於拍新劇《醋娘子》，為了搵真銀難免要犧牲睡眠時間：「前晚凌晨3點先收工，跟住5點半又化妝開工，跟住就嚟活動，賺錢就要捱吓！」她表示工作未有因無綫不接受壹傳媒記者採訪而受影響：「今個月要去澳門做嘢，月中旺角又有活動，除夕倒數都接咗，仲有好多內地工作問價，但要離開香港一、兩日就難接到，都唔想去計損失。」

胡杏兒（右）及周麗淇化身公主，齊齊出騷吸金。

同場的周麗淇透露，聖誕節將與男友過二人世界：「未知點慶祝，佢好口密。其實簡簡單單食餐飯安靜度過就得，唔需要特別驚喜，因為佢每日都畀驚喜我，仲成日送嘢！」她又表示雖然懂得織頸巾，但因工作太忙，無法親手製作，惟有外出選購聖誕禮物贈男友。