陳百祥（阿叻）昨晚在跑馬地開P慶祝63歲生日，獲大批好友包括鍾鎮濤（阿B）、彭健新、陳友、狄波拉及鬍鬚Kong等到賀，連最近傳不和的歌神張學友亦有現身，並送上時裝做賀禮，他笑說：「今日唔嚟唔得，傳我哋不和吖嘛！（點睇呢件事？）傻傻哋嘅，點解不和？我都諗唔到理由！（平時有聯絡？）都係生日嗰啲，平時少啲。（上台唱歌？）睇環境啦！」

阿叻攬住秀姑過生日。

阿叻圈中人緣甚佳，鍾鎮濤（左至右）、朱千雪、張學友及彭健新都有到賀。

朱千雪

張學友

彭健新、阿叻

阿叻表示最為多謝球會晨曦班主周文曦安排球賽，更讓賽讓他射入五球，令他感覺飄飄然，自比曼聯射手尹佩斯：「人生要求係咁低，射吓波就開心！（想少啲是非？）我冇呀！全部正Shot，做自己認為啱嘅嘢。」他表示派對由太太黃杏秀負責，摯友曾志偉則在北京未能出席。對於無綫申請「HKTV」專利，阿叻說：「同車牌一樣。（香港電視）自己作過囉！有時想有嘅嘢未必有。」曾被指是阿叻愛將的港姐朱千雪與岑杏賢到場，千雪送上大袋朱古力，問到會否吻賀阿叻？她笑言交由秀姑負責。