張家輝、江若琳、鍾鎮濤、導演陳木勝、寰宇電影公司老闆林小明及英皇電影老闆楊受成等前晚出席寰宇電影《掃毒》首映禮，林小明公布該片在內地上映四日，票房已近億，反應甚佳！前晚剛巧是男主角張家輝生日，他被問到戲中跟泰國變性人Poyd有不少親熱戲時，他直言拍攝時曾有衝擊：「拍之前有掙扎過，因為知道對方嘅底蘊，我尊重佢，但人始終係感情動物，亦因為尊重佢所以拍得好徹底，我心入面亦都會有衝擊，不過，呢方面嘅嘢，唔想講太多，驚人哋誤會我嫌棄呢個界別，而我拍完之後，都有睇AV，清晰一下自己嘅取向。（之前你同Poyd影咗輯火辣照，太太關詠荷有冇嬲呀？）我問佢係咪火都嚟，佢話嚟o架嘞！但我知佢會諒解，知我有分寸。」

張家輝有江若琳（左）及宣泇而相伴，艷福不淺。

首映禮上，大家為張家輝慶祝生日。

而同場的倪晨曦被讀者爆料指早年已在加拿大結婚，對此她說：「唔係啦！聽完覺得好恐怖！（你喺加拿大係咪有一位好親密嘅男朋友？）好耐之前嘅事，拍咗五年拖，但依家已經散咗，可能當時感情穩定畀人一種錯覺啦！」