混血模特兒Ana R.昨日出席Estee Lauder專門店開幕活動，同場還有李美鳳及謝婷婷。Ana透露婚禮籌備順利，已定婚期，稍後會公布。而日前她已舉行了Bridal Shower：「我啲Best Friend包括Lisa S.都有出席，佢哋仲畀驚喜我，嗰日好開心，好Sweet。（你有冇喊？）冇，可能等婚禮完晒之後先會喊，依家我連喊都冇時間。」Ana又表示情同姊妹的Jessica C.將擔任伴娘，Lisa則做姊妹，而花女人選是Lisa的囡囡Raven。Ana的婚宴會邀請35位好友在私人會所舉行，婚紗是很保守的款式，她笑說：「性感留番Honeymoon，我已經買咗好多性感內衣，到時一定好有趣。」

Ana R.透露婚禮籌備順利。

李美鳳（左）及謝婷婷盛裝出席開幕活動。