被封男神的馬國明（馬明）殺入元朗出招冧女！昨日馬明出席聖誕活動與多名女Fans玩遊戲，情深餵女吃東西，又扮可愛與Fans做出「港女十式」！玩包紮遊戲時，熱情女Fans更搽唇膏獻吻示愛，另一位則投入跪地為馬明包紮膝蓋，相當主動！

馬明與粉絲齊齊做出港女十式，擺出Cute爆甫士！

被封為男神的馬明情深餵粉絲吃東西。

馬明獲粉絲為他包紮手臂兼獻吻，令他十分尷尬。

現場吸引近百粉絲支持，場面墟冚。

無綫小生馬國明昨日到元朗廣場出席聖誕活動，吸引近百市民撐場，馬明大展歌喉獻唱兩首歌曲，而被封為男神的他與多位女Fans玩遊戲時，冧得眾女暈晒浪！第一個遊戲，馬明為兩名女Fans戴上眼罩及餵她們吃東西，表現深情及細心，近距離接觸令身穿水手服的女Fans緊張得面紅耳赤，台下Fans紛紛妒忌尖叫！

粉絲埋身服侍

其後兩名女Fans為馬明包紮手臂及膝蓋，有熱情Fans包完手臂後在繃帶上寫上「I Love U」，更搽唇膏在繃帶上獻唇印。而另一位女Fans亦跪地為馬明包紮，非常投入！最後馬明與另外兩名Fans用手砌出愛心及做「港女十式」，馬明Chok出可愛萌樣做足十個得意動作，場面搞笑！

事後他表示聖誕會密密接Job，問到會否想有情人陪過節？他說：「隨緣啦！我年紀唔細喇！過咗想要女友嘅時候，媽咪都冇催，佢話有家用就OK，我都係Dry咗年幾兩年啫！唔係好耐，總之活在當下，有情人冇情人都要開心。」對於現場有大批女Fans支持，問到曾否有Fans向他示愛？他說：「我覺得好怪，暫時都冇，都係表達欣賞我，佢哋好含蓄。（剛才女Fans好熱情！）玩遊戲搞氣氛啫！」另外，對於無綫下令封殺壹傳媒，他說：「暫時唔會接受專訪，跟隨公司做法。」