前港姐朱千雪（Tracy）近日被指成為陳智燊（Jason）與宋熙年之間的「小三」，二人昨日偕新鴻基地產租務部總經理鍾秀蓮，為《東港城X Monchhichi聖誕『萌』遊世界》暨「冬日旅遊嘉年華展覽」揭幕，期間二人分別與公仔翹手合照，後應記者要求才尷尬互翹。問到同場有否尷尬？Tracy說：「冇，大家做嘢啫！（影響你識男仔？）唔會，因為我講咗好多次係傳o架啫！」Jason則笑說：「今次佢賺咗個封面，大家Friend冇所謂，都戥佢開心咁多人留意佢，《On Call 36小時Ⅱ》未到結局篇已咁多Noise，恭喜晒！」

朱千雪與陳智燊這對緋聞情侶大方翹手合照。

朱千雪（左起）、新鴻基地產租務部總經理鍾秀蓮及陳智燊齊齊為活動剪綵。

朱千雪透露《On Call 36小時Ⅱ》播出後，增加不少工作機會。

公司冇詐型

問到有女友會否避忌一些？Jason即向「女友」派定心丸：「唔使，大家所擔心嘅嘢，我覺得冇所謂，唔係大家諗到咁複雜，我同Tracy係朋友，同其他人關係都OK。」問到是否指女友很放心？Jason沉思數秒後說：「呢樣嘢唔使擔心，大家寫嘅、講嘅影響唔到我同其他人嘅關係。（冇人向你詐型？）經理人、樂小姐（製作資源部總監樂易玲）都冇，其他人都唔會。」

他又表示未問宋熙年對這段緋聞的看法，但若報道提及對方也會講。不過，二人齊聲表示不介意情侶檔搵銀，Tracy也坦言劇集出街後，多了工作及觀眾認識。

至於台慶夜電視城門外有人示威，Jason坦言不知發生甚麼事，但聽到少少聲，節目未受影響。Tracy則表示騷後不見任何示威人士，也不擔心收視，又指大家很落力做好節目。