黎耀祥、梁烈唯、黃得生及郭栢榮（藝名郭寶）前晚於台慶夜分別抽中不同豐富獎品，獲得無綫股份的唯唯笑言現時榮升公司股東，個個都叫他做「老闆」。而黎耀祥坦言以為今年得個吉，但都抽中電話，卻被兒子搶先攞去玩。

唯唯成為台慶幸運兒，難怪笑得咁開心！而本以為得個吉的祥仔，最後亦幸運抽中手機。

祥仔

贏得歐洲名車後，黃得生（右）笑言要努力考車牌。

前晚台慶夜，無綫不斷推出獎品及銀彈，令現場藝人及電視機旁的觀眾都甚為緊張及興奮。未知是否人逢喜事特別旺，前晚先拔頭籌的是快將結婚的梁烈唯（唯唯），他抽中了一千股無綫股份，價值5萬元。記者昨日致電唯唯恭喜，他笑說：「真係好幸運、好開心！（會點用啲錢？）呢啲Lucky錢會留起佢先，依家我係公司股東嚟，個個都叫我做老闆呀！」提到前晚台慶收視最高達31點，唯唯坦言收視當然愈高愈好，大家都排練得相當落力。

而向來幸運的視帝黎耀祥去年抽到大獎，今年亦不輸蝕，是十位抽到手提電話中的其中一位幸運兒，祥仔昨日受訪時說：「舊年抽到大獎已經好開心，本來以為今年得個吉，都算好彩，又抽中電話，而且個電話都幾好，個Mon夠晒大，啱晒我哋呢啲老人家用，不過我個仔已經攞咗去玩，玩完佢就會畀番我！」對於31點收視，祥仔感到滿意。而郭栢榮則抽中位於惠州逾81萬元的洋房。

黃得生努力考車牌

至於抽中30多萬歐洲名車的藝員黃得生，雖抽中獎時已率先跳上車，但因還未考獲車牌，故就算攞到車亦未可享用。他說：「架車會畀屋企人用住先，我會繼續努力考牌！屋企人、朋友都好開心，係咁叫我請食飯，陳展鵬都話我銀包會『見紅』！」另外，抽中MV製作費50萬的Super Girls成員陳穎欣表示公布時所有成員都「癲了」，她說：「未知點用，都想去日本拍MV。（拍咩歌？）都未知，嚟得太快，淨係識開心。」