田蕊妮於《巨輪》中的「倀雞英」演出備受讚賞，前晚台慶勇奪「藝員心目中的視后」喜極而泣，阿田事後稱最感動一刻是眾藝員站立時：「感受到自己有人緣幾好，大家嘅眼神好有戲！」繼《巨》結局當晚奪「我至Like角色」後，今次再奪「心目中的視后」，問可有信心在台慶頒獎禮當晚連中三元？她直言幾年前曾試過獲提名，今次有大回響，相信機會大些。因杜汶澤正忙拍電影《豪情2》，阿田前晚稱老公在聊天群組留言祝賀：「佢有講Beautiful I Love You，You Are The Best，我好多謝老公。」

馬國明和田蕊妮在台慶獲得「藝員心目中的視帝視后」，開心不已。

杜汶澤

而阿澤昨日受訪坦言戥老婆開心：「係藝員投票嘅，即係佢哋都識做戲啦，係得到業界認同！今年接咗好多電影，我哋見面唔多冷落咗佢，依家知佢攞獎，想去接佢收工都唔得！拍完戲後都想抽時間去旅行，爭取時間二人世界。」

而獲「藝員心目中的視帝」的馬國明對自己得獎後的「招牌O嘴」好奇反問：「乜又出番嚟咩（個樣）？」他稱一心只是想抽車抽手錶，後來才知得獎：「得到觀眾認同開心，但得到同事嘅認同更開心，我知道有好多投票畀我嘅都係男藝人，呢行點都會有競爭，所以佢哋投畀我真係好開心。（再下一城？）冇特別加大信心，盡力而為啦！」