無綫台慶夜前晚圓滿舉行，節目錄得31點最高收視，接近二百萬觀眾捧場，為答謝台前幕後出力，無綫將舉行一連兩場大型祝捷會慶祝取得佳績。另外，無綫更加碼向慈善機構捐出322萬元善款。

台慶夜錄得31點最高收視，眾演員當然開心得拍晒手掌。

阿叻滿意台慶收視，並笑言開盤便知贏梗。

阿叻、梁乃鵬及陳國強等齊齊祝酒。

無綫賀台慶節目《萬千星輝賀台慶》前晚圓滿舉行，台慶夜最高收視錄得31點，收視率霸佔97%接近二百萬觀眾欣賞，平均收視也有29點。無綫行政主席梁乃鵬對收視成績十分滿意，除兌現承諾收視點達到30點捐出310萬元給七個慈善機構，更由原本各機構平分42萬元，加碼到46萬元合共捐出322萬元行善，齊齊歡度46周年。

兩場盛大慶功

梁乃鵬為慰勞無台前幕後傾力參與，將舉行一連兩場盛大慶功宴，先在25日假將軍澳一間五星級酒店筵開二十席，宴請幕後各大部門代表午宴，並送出46封4,600元大利是讓全台幕後同事抽獎；另一場慶功宴則在29日於電視城款待200位台前幕後同事，梁乃鵬更私人送出紅酒與同事大事慶祝一番。梁乃鵬前晚受訪大讚節目沒有一分鐘冷場，一氣呵成，要感謝余詠珊及藝員上下同心的努力，大家十分團結儼如大家庭。

無綫企業傳訊部副總監曾醒明昨日說：「呢個係初部嘅收視，依家觀眾睇電視嘅習慣改變咗，好多觀眾鍾意上網睇MyTV，MyTV嘅收視要喺一個星期後先有公布，相信收視成績會再有增長。」對於有兩宗投訴指司儀崔建邦在「萬千星輝射龍門」致電觀眾送出十萬元信用卡免找數簽帳額時，被質疑打錯電話，曾醒明說：「現場有核數師監管，技術上接唔通好自然搵第二位接上。」

甘為公司犧牲

力撐無綫的的陳百祥（阿叻）對於台慶31點收視則說：「平常心，作為藝人工作已經做完，都望多人睇，今次估中（指收視高開）有運氣，亦要多謝觀眾。」曾發表「跪回家」論的阿叻則揚言一直認為不用跪：「一開盤就知一定贏，冇信心點做人，話我囂，其實我真人好謙虛。（驚唔驚得罪網友？）唔關我事，曹操都有知心友，關公都有對頭人，中國有成13億人，我唔得閒招呼佢哋（指網友）。（覺唔覺得自己贏番啖氣？）一開始就有信心贏，今次係正常賽果。」他又說：「我係演員，你哋唔睇咪即係打爛我飯碗？我習慣做吓靶，最緊要有人睇，當做宣傳囉！為公司壯烈犧牲。」