莊思敏（Jacquelin）前晚出席品牌活動時，被問到近日有傳其母親在馬來西亞一物業大堂內被幾名大漢動粗，Jacquelin說：「媽咪畀人推跌咗，扭傷咗手臂同手腕。之前收到恐嚇信，電話騷擾，佢哋仲送個鐘畀媽咪。（媽咪冇請保鏢？）媽咪不嬲有保鏢，亦已經報咗警，當地嘅議員亦都知道。（啲人點解咁做？）唔知咩原因，唔知係咩人做嘅，佢哋又冇講想點，我哋都冇得罪人，毫無頭緒。」

Jacquelin坦承阿媽被幾名大漢動粗推跌，但不知原因。

此外，復出的陳靜（DaDa）被問到是否要接多些Job還錢時，她說：「仲未爭人錢，想賺多啲錢。片酬唔會加價，自己知乜事，都唔會減價，依家對片酬唔會咁執着，想試多啲角色。」談到師妹蕭美卡在《喜愛夜蒲3》被Cut戲份，她說：「佢係新人，畀啲空間佢，佢都同我講話有受打啫，但會發憤圖強。」