Kary借醉鬧余文樂：關你咩事！
男神余文樂與舊愛吳雨霏（Kary）前晚在I.T時裝派對「重逢」，傳仍未放低樂仔的Kary，在場內不時飲酒「買醉」，期間樂仔上前勸她「飲少啲」，Kary卻未領情，更反唇相譏：「依家關你咩事啫！你講我就要聽o架喇？」
Kary性感出席派對，相當畀面。
樂仔與集郵的長髮女子咬耳仔。
Kary（白圈示）與樂仔（黃圈示）在場內各有各玩。
梁朝偉（左）與張家輝影帝喜相逢。
豆斗（左）與君如一起接受訪問。
林德信與性感出席的松岡在場內傾密偈。
松岡李那
張曼玉（右）與袁詠儀一起到場。
星級形象指導郭慶彬亦有撐場。
設計對白及圖片
出名圈中朋友多的沈嘉偉和邱淑貞，前晚為旗下I.T舉行25周年派對，獲城中名人紅星出席，韓國當紅男團Big Bang成員G-Dragon和Tae Yang亦潮爆撐場，派對上有多對新舊緋聞情侶余文樂跟吳雨霏，梁朝偉與張曼玉，松岡李那和林德信同場，他們對舊情的態度各異。拍拖僅半年便分手的Kary和樂仔，雖然碰面時有傾偈，表面上保持好友關係，惟盛傳仍未放低樂仔的Kary，在派對上杯不離手「買醉」。
松岡林德信「合體」
姍姍來遲的樂仔大受索女歡迎，爭相影合照，他見到Kary即打招呼，二人雖然有傾偈，但卻不歡而散！有人目擊拿着酒杯的Kary飲得面紅紅，樂仔見狀即好言相勸：「唔好飲咁多！」但Kary笑了一笑後，半認真地說：「依家關你咩事啫？你講我就要聽o架喇？」不少朋友聽到後都O晒嘴，樂仔亦甚為冇癮，未幾二人即分開玩。至於盛傳熱戀中的緋聞情侶林德信和松岡李那，當晚前後腳到場，有傳兩人早前到日本蜜遊，松岡否認其事，表示只是跟朋友返日本探家人，惟兩人在場內情不自禁「合體」，而陳年緋聞男女梁朝偉和張曼玉，則全程無交流。
豆斗否認發老公脾氣
另外，邱淑貞與老友吳君如孖住受訪，有報道指沈嘉偉旗下時裝集團股價大跌，要大屋搬細屋，豆斗更向丈夫發脾氣，又請大寶法王為丈夫催旺財運，豆斗說：「從來唔會發老公脾氣，係忟緊個細女，佢病緊仲要食糖同雪糕。（你做惡嗰個？）我惡唔到，少少忟憎，唔會鬧。（報道話你大屋搬細屋？）嗰度好實用，個廳幾大。（係大咗定細咗？）實際上係細咗，我哋原本住嘅大廈外牆裝修，所以要住第二度。我覺得寧波車好慘，畀人當係茅山師傅，我自己學佛唔會用喺生意上，唔好誤導人。」
