名模Lisa S.昨晚出席《東方日報》和《太陽報》有份贊助的2013清潔香港年度發布會暨慶功晚會，同場還有Rosemary、Jocelyn和老公Anthony等。Lisa透露囡囡Raven的近況很好：「啱啱去完新加坡同馬來西亞工作，佢跟埋去。（咁細個搭飛機？）唔細啦！6個月大，就係想佢試吓搭短途機，下個月會同佢返美國過聖誕同探嫲嫲，BB好叻完全冇問題！」不過她直言湊B很辛苦：「佢唔瞓我都冇得瞓，好彩有陪月。（幾時添個細佬妹？）等佢一歲大先。」

Lisa S.產後半年已收晒身，一啲都唔似生過！

Jocelyn（左）和Rosemary以「清潔女神」Look現身。

Rosemary已是第五年參與活動，她甜蜜地表示跟男友感情甚佳：「之前去完越南慶祝拍拖四周年，上星期佢仲見我爹哋。（男友求婚未？）未，我唔心急。」