除了張震舉行婚禮外，鄭希怡（Yumiko）亦準備出嫁！昨晨Yumiko與拍拖8年、開辦化妝學校的男友梁學儲（Andy）起程往泰國蘇梅，準備本周五舉行的婚禮。雖然準新娘沒有刻意打扮，跟Andy同以便裝及黑超現身，但笑容甜到漏，大方跟傳媒分享出嫁心情：「唔算好緊張，只係希望到時有好天氣唔好落雨，今次舉行嘅係『Pre Wedding Party』，主要係同班兄弟姊妹團去，雙方父母、好多親友今次唔會過去，出年先喺香港正式搞婚禮。」

鄭希怡與男友Andy雙雙飛往泰國準備婚禮。

有傳Yumiko包辦出席朋友的機票食宿？Yumiko笑說：「盡包啦！」但拒透露赴會好友名單，只說伴娘不止一人。問到生B問題？她稱未計劃，感激好友蔡卓妍送上別致金器做結婚禮物。