昨午約一時半，梁朝偉與老婆劉嘉玲由香港機場出發飛台灣出席好友張震婚禮，兩人戴上黑超、一副輕便打扮，其中嘉玲的豹紋Look甚為搶眼。他們透露會送上家居用品作結婚禮物，偉仔更伸出一對食指笑說：「喺屋企用嘅，一Pair嘅。」問到會否傳授張震夫妻相處之道？嘉玲說：「唔使！每對夫婦都有自己嘅相處之道，唔使我哋教。」

偉仔與嘉玲悉心打扮赴會，拖手晒恩愛！

嘉玲離港入閘時要出示身份證兼拉下黑超。

見過新娘子莊雯如的嘉玲大讚溫柔體貼，談到張震願做「老襯」的原因，她說：「相信係佢令到張震有一刻覺得要改變。祝福佢哋心想事成，早生貴子。（會唔會同佢哋仔女上契？）十畫都未有一撇。」他們指因有工作，今天會離開台灣。而嘉玲入閘時出示身份證，有記者欲上前拍照，她即時緊張「揞證」：「咪影啦！」至昨晚偉仔與嘉玲十指緊扣，笑容滿面地出席婚禮，進場時未有接受訪問。