中日混血主持人周子駒（Cyrus）閒時與「肯亞徐」徐濠縈切磋跑步技巧，從中發現不少趣事，他驚爆阿徐試過在他面前「除衫」，而且怕黑兼細膽！此外，他今年更跑出香港，連生日都要跑勻意大利，足迹滿布各小島！

周子駒熱愛跑步，特別是長跑。

Cyrus在羅馬鬥獸場外跑足兩個圈，過足腳癮。

周子駒早前相約好友鄭融（左四）等人組隊練跑。

屬於好動派的Cyrus，除鍾情行山和潛水外，還迷上長跑，沒有跑逾十公里都不捨得停步，他早前更與老友鄭融等人組隊「The night runners」，每星期夾日子玩長跑，還與屬另一隊的「肯亞徐」徐濠縈一齊練跑，他還大爆當中的趣事：「我同阿徐都怕熱，所以每次跑步都係着得最少衫嘅兩個，多數着背心短褲，有次我哋成班人跑步比賽，跑跑吓見到阿徐喺前面，我諗住跑上前，點知佢突然間除衫，嚇到我即刻呆咗！當我仲諗緊佢點解喺條街咁做嘅時候，就見到佢入面仲有件Sport Top！又有一次夜晚同阿徐跑跑吓，突然聽到有人大嗌，原來係因為佢勁驚黑，所以我成日笑佢細膽o架！」

遊歐洲留足迹

此外，跑慣香港的Cyrus閒時亦會跑出香港，在世界各地的名勝留下不少足迹，今年他趁着生日的大日子，飛到意大利跑步兼慶生，還形容過程十分興奮：「今年去咗歐遊兩個禮拜，當中去咗意大利輕鬆吓，除咗沿住當地湖區跑步之外，仲圍住成個羅馬鬥獸場跑足兩個圈，見到好多好靚嘅地方，真係好開心！」他還表示整個旅程有體力貢獻，亦有「收入」，原因是他食勻當地美食，他說：「去到真係一日一雪糕，已經比我食勻晒所有味，仲食埋Pizza同洋葱包！」