無綫藝人羅泳嫻（Iva）除了喜歡講鬼古嚇人之外，更是芭蕾舞及畫畫高手！學畫畫已有兩年的她將於下月與其畫畫老師合辦畫展，她說：「其實細細個已經好鍾意畫畫，結咗婚之後老公就叫我做鍾意做嘅事，結果我就去咗學芭蕾舞同畫畫！」她表示學習人像畫已兩年，喜以古典手法表達，但她笑言不敢在黑夜裏看畫：「試過畫咗十幾幅放喺屋企，真係行埋去都驚！古典人像畫對眼係無論你行到邊，佢都好似望住你咁！」本身是「靈異體質」的她最終都將畫一次過搬回學校。

羅泳嫻愛上畫畫，古典畫是她的最愛。

羅泳嫻將於下月開辦畫展，展出自己的作品。

談到即將舉行畫展，Iva表示將展出十多幅作品：「我打算畫一幅『浮世繪』式嘅古典畫，以前喺日本留學，認識咗日本嘅古典文化，今次想用日式風格帶出古典畫技術！」她又坦言十分緊張，還將以前的畫作全部翻新，務求完美！問到是否有興趣教人畫畫，她表示畫畫只是興趣，為人師表會有壓力，擔心沒有耐性面對學生的家長。