黃宗澤日前有幸駕駛300多萬元的法拉利開工，雖然該車是其Dream Car，但價錢太貴，寧願以另類投資保值。而胡定欣透露與徐子珊拍強吻戲時十分緊張！

在劇中飾演有錢夫婦的胡定欣及黃宗澤，以粉色裝束示人襯到絕。

劇集《點金勝手》班來法拉利跑車拍攝，氣派非凡！

胡定欣（右）與徐子珊在劇中有一幕親吻鏡頭。

黃宗澤（Bosco）與胡定欣日前拍攝新劇《點金勝手》，為突出夫妻關係，二人特別以粉色裝束示人，更駕駛300多萬元法拉利跑車出場，甚有氣派！劇情講述他倆駕車返公司時遇上抗議人士，眾人高舉Bosco被噴油的海報，但他視而不見，急步與定欣進入大廈。

由於跑車價值不菲，劇組上下都分外小心，拍攝前不敢走近名車，更不時以布抹玻璃，惟恐弄污車身，就連飾演抗議人士的臨時演員也站在一定的距離拍攝。而向來對車甚有研究的Bosco也趁空閒研究車身，他說：「拍呢套劇好開心，因為有機會揸法拉利同波子，睇得出劇組好揼本，架車成300幾萬，係我嘅Dream Car。（你買得起嘅！）買得起同捨唔捨得係兩回事，我都係投資第二樣，錢搵錢好過！（架車咁貴，拍嘅時候要好小心？）都係o架！仲有壓力添！」

假扮同性戀錫錫

劇中的定欣除了與Bosco飾演夫婦外，為了測試徐子珊是否同性戀，不惜假扮同性戀者向子珊索吻，她還笑言和女仔親吻很緊張：「平時都有同杏兒錫錫，不過都係掂一掂，今次係強吻！仲要個嘴郁來郁去成10幾秒！子珊個嘴唔郁，根本唔好受，應該係好難受！（事前有冇同子珊溝通？）冇咀落去，但有排過位，最終兩Take搞掂。」