周柏豪最近轉攻電影圈，希望在銀幕肉搏女神劉嘉玲，但他先要醫好腰患，否則媽媽亦擔心抱孫無望，而師妹連詩雅則情迷運動男，最愛﹝目及﹞肌男打籃球。

Shiga跟柏豪亦是熱愛運動之人，大可相約齊齊鬥波！

劉嘉玲成熟又有女人味，是柏豪心目中的女神。

柏豪（前排右三）經常帶領橫洲工業捧盃。

周柏豪貴為本地籃球隊橫洲工業主將之一，經常要代表球隊出賽，原來他早在讀書時已是籃球校隊隊員，更因此吸引不少女同學埋身，在學校長期保持「高收視」，他說：「我打波好認真o架！唔係為咗溝女，不過我喺操場打波時都幾高收視，試過有師妹請我飲嘢，但都唔多過十次囉！」

自小運動細胞發達的柏豪不時跳跳紮，更試過從籃球架連人帶波跌落地，導致腰傷纏身十多年：「細個喺籃球架跌落嚟，最近又舊患復發，醫生話瞓覺時係最易整親腰。」提到男人腰骨會影響「終身幸福」，柏豪笑言媽媽也擔心影響傳宗接代：「媽咪成日鬧我，要快啲好番。」他提到最近與「影后」葉童合作，有意繼續在影壇發展的柏豪直言不抗拒拍親熱戲：「都係睇劇本需要，如果有得揀，想同劉嘉玲做對手戲，因為佢好有女人味。」

風雨不改練跑

至於曾傳緋聞的連詩雅（Shiga）稱小時候自以為沒有運動天分，最近才開始愛上跑步練氣，即使工作忙碌亦風雨不改練跑。問到可會對運動男情有獨鍾？她說：「我鍾意運動型，有肌肉就最好，細個嗰陣放學都會睇男仔打波，最怕過分斯文同埋好驚出汗嘅男仔。」