雨僑做生意間接益羅力威

雨僑日前到尖沙咀海港城某超市，在化妝櫃位流連的她否認Shopping：「我嚟巡舖咋，呢個櫃位係賣我出嘅化妝掃，全盤生意投資咗6位數字，希望愈做愈大，目標係最快十年後可以做上市公司。」雖然雨僑近年歌、影兩忙，不過視化妝掃如「親生BB」的她，一有空必巡舖。雨僑指生意是跟另一位拍檔合資，問到是否緋聞男友羅力威？她說：「係女仔朋友，佢（羅力威）都唔識美容嘅嘢。（羅力威有冇資助你？）冇，連鼓勵都冇。」但她否認兩人感情有變，還稱不時相約「好友」食飯，更會送化妝掃給羅力威的化妝師，間接令「男友」受惠。