佘詩曼和謝天華等前晚到馬場，熱捧圈外馬主朋友的馬匹出賽，對方更自掏腰包為他們下注，贏得二十多萬彩金，眾人齊齊有錢落袋！原來阿佘曾贏過十多萬元六合彩，偶爾也有一千幾百落袋，果然贏開有條路！

阿佘拉大隊捧馬主朋友場，齊齊贏得逾二十萬彩金，飲得杯落。

臨衝線一刻，阿佘出動望遠鏡﹝目及﹞實，其他人更興奮到嘩嘩聲。

贏錢咁開心，祥仔（左三）梗要擦番餐勁！

不少圈中人對馬匹甚有研究，例如郭富城和張智霖等紛紛加入馬主行列，更有過佳績贏下獎金，前晚佘詩曼、謝天華夫婦、阮兆祥、洪天明和周家蔚夫婦等，浩浩蕩蕩到跑馬地馬場，為圈外好友的馬匹「領航精神」出賽打氣，因大部分人對賭馬一竅不通，故只有天華小試牛刀。

他們在場充當啦啦隊打氣，豪氣的馬主自掏腰包為眾星落注第三、六場連贏位過關，來到「領航精神」出賽的第三場，眾人更加聚精會神，大叫其代表號碼「7號」，衝線時不禁歡呼，之後他們買的第六場馬匹亦順利勝出，結果贏得逾二十萬元，阿佘等不費吹灰之力便分得萬多元彩金，當然心情興奮！

阿佘昨日接受電話訪問時表示，馬匹衝線一刻時心情緊張，獲悉勝出後不禁大叫：「依家彩金都係袋銀包先，未知點用。今次唔係第一次贏錢，以前試過買六合彩贏過十幾萬，間唔中都會中一千幾百。（識唔識賭馬？）梗係唔識！都係靠朋友畀貼士。」而首次下注買馬的天華被取笑為「青頭仔」，他笑說：「算係，一入馬場就贏錢！但假都未有得放，之後仲要返內地登台，遲啲先諗點使。」

祥仔個唱加碼

孖住老公入場的周家蔚透露會用這筆橫財為囝囝置裝：「佢就快一歲，又學緊行路，諗住買對皮鞋畀佢，等佢扮到靚靚咁過聖誕。」而祥仔則表示會把彩金當作其演唱會經費。