徐濠縈與黃偉文一同現身上海，雖然當地天氣寒冷，阿徐卻只穿上薄衣，她透露十多日後會再來上海跑馬拉松，屆時會再冷一點，並透露明日乘早機回港，故未能預演跑步：「我係上海妹，運動品牌每年都有請我跑。（咁凍影響表現？）凍好，但要熱身夠，夏天仲辛苦。」問到會否為保最佳狀態而暫時戒食大閘蟹？她說：「唔理，自己嚟外地要夠時間跑步同食嘢，目標要順道飲飲食食，輕鬆吓！（囡囡有冇嚟？）佢考緊試，暑假帶過一次，可能渣打馬拉松帶佢去終點。」

潮人徐濠縈對衣着裝扮極其講究，故悉心打扮赴會！

杜鵑盡顯名模風範，極具女人味！