李思捷前晚在中環出席好友布偉傑（阿一）的國際歌影迷會成立記者會，期間大讚對方演技達荷里活級數。而簽了新經理人的阿一，希望歌影視三棲發展。另外，思捷女友王宝宝早前單方面宣布分手，但日前竟又被拍到一起買家品，問到是否復合，思捷先稱宝宝是「好Close的朋友」和「好重要的人」，但在追問下又暗示仍是情侶：「咁多年都好Close，影到晒Video，呃唔到人！」但強調不想多談私事，不在乎報道指他溝女：「我唔係廿幾歲仔要保持形象。（真係有溝過？）如果我話見到靚女唔起痰，講都冇人信啦！」

思捷（左）大讚阿一演技拍得住荷里活影星，夠晒老友！

王宝宝早前單方面宣布分手，但似乎仍與思捷藕斷絲連。