曾與馬賽傳緋聞的「巨聲幫大孖」周志文，前晚出席活動時被問到知否對方爆「攣」情，他說：「我諗冇人會諗到，我哋主要喺角色上交流。（驚訝佢係同性戀？）身邊都有咁嘅朋友，唔會有好驚訝。」至於是否總算還自己清白？他說：「我關心嘅唔係呢樣嘢，好多觀眾都關心佢幾時再做個好角色。（冇同佢一齊過？）馬小姐？係！」他直言一個女仔要面對這樣一件大事確實不容易，希望她能盡快站出來。對於女友袁紫僑（CoCo）寸馬賽虛偽，他解釋：「可能女性喺呢方面敏感啲。」

周志文以「馬小姐」來稱呼馬賽，勁生外！

日前馬賽在微博留言「因為懂得，所以慈悲」，密友汪子琦昨日在微博語帶雙關說：「其實高峰也好，低潮也好，都是一種磨練……貴人給予的仁慈也好，小人給予的殘忍也好，任何空間，天佑善良。」