視后楊怡及「巨聲幫」吳業坤（坤哥）昨日到大埔新達廣場出席預祝聖誕活動，氣氛熱烈！阿怡表示想到外地過浪漫白色聖誕，坤哥即趁機邀約旅行，又多次自薦參加對方的聖誕Party，不怕羅仲謙介意。

楊怡及吳業坤準備禮物派給Fans，相當親民。

楊怡將小紅帽主角Otogicco貼在巨型聖誕卡上，為活動揭開序幕。

楊怡及吳業坤與Fans大玩遊戲，令現場笑聲不絕。

楊怡及吳業坤昨日到大埔新達廣場出席《小紅帽聖誕奇遇記揭幕禮》，與觀眾大玩遊戲及派禮物，現場歡笑聲不絕，坤哥又獻唱兩首歌曲，冧得Fans如癡如醉！阿怡及坤哥於台上表示希望到外地過白色聖誕，坤哥即相約阿怡齊齊旅遊，又多次表示想加入對方的Party，完全無懼阿怡男友羅仲謙呷醋！

送禮物氹小朋友

阿怡表示兒時深信有聖誕老人，會在床頭掛襪望收禮物：「屋企人會放禮物，但都係糖同公仔，唔夠驚喜o架！所以想去芬蘭聖誕老人村，我又未試過白色聖誕，都幾浪漫。（同男友過？）有屋企人喺身邊都好享受。」問到最想收到甚麼聖誕禮物？她說：「我反而係想送禮物畀小朋友，同啲姨甥、朋友嘅仔女，見到佢哋拆禮物個興奮樣仲開心！（自己生番個？）準備好先啦！都未結婚。」她又希望聖誕可放假及開Party，但下月要拍攝新劇，故未必有時間。此外，提到前日到上海工作，有途人拍下她Check In的情況，引起其Fans不滿，擔心個人資料外洩，阿怡表示並不知情：「當時我哋隔開咗，唔知道咩事，Fans都係想保護我，出於一番好意。」

至於坤哥被問到撩阿怡開P，他笑言入行已三年，希望跟拍劇的同事混熟：「要主動識多啲朋友，公司又有新唱片部星夢娛樂，我都想有份，同期好多巨聲幫都有自己歌，我心急o架！（依家有冇拍拖？）冇呀！我呢啲咁嘅類型，所以聖誕冇着落，努力工作啦！」