杜如風遊不丹嫁「偉仔」

人如其名如「瘋」的杜如風，早前為now的旅遊節目《風行全世界Part 3》，玩轉佛教國家不丹，感受當地的風土人情，她說：「不丹被喻為世界最快樂的五大國家之一，我自問已經係世上最快樂嘅人，我好想知當地人係咪真係有我咁快樂，有次我求其問個司機快唔快樂，點知佢反問我日日對住個靚景點解唔快樂？我真係無話可說，咁易滿足，我輸晒！」她又推介不丹是個旅遊勝地，大讚當地山明水秀，居民淳樸又好客。此外，她又體驗了農民生活，親自落田耕種，她說：「終於明白到乜嘢叫『粒粒皆辛苦』，以後我都會珍惜食物，唔會浪費！」她表示除了可逛寺廟外，也可到Paro小鎮購物：「當地有好多特色小店，你千祈唔好以為冇嘢買，啲布靚到不得了，每款圖案都係人手刺繡，好精緻，最低入場價係二千美金，我當然買貴布，返嚟做衫做袋都好，獨一無二，我買到真係碌爆卡咁滯！」她又笑言這個旅程最大的任務是與偶像「梁朝偉」結婚：「我喺香港做咗個一比一嘅紙板偉仔，有晒喇嘛做老臨影結婚相o架！」