早前網上流出多張張栢芝與肌肉男在新加坡的甜蜜合照，疑似有新戀情，前日栢芝的弟弟張柏文出席活動時稱不知對方有新歡，但希望栢芝早日覓得真命天子。

柏文相信栢芝懂得管教兒子。

偕男友吳君祥出席的江美儀坦言不抗拒同性戀。

張栢芝早前帶同兩名寶貝仔到新加坡旅遊，全程獲肌肉男陪伴左右，二人的親密合照還被男方放上網，前日栢芝弟弟張柏文出席澳門十六浦舉辦的MJ珍品廊「危城解碼」開幕典禮，他表示最近忙於工作，跟栢芝甚少見面，不知道對方有肌肉男新歡，問到會否想栢芝早日覓得另一半？他說：「想，都想家姐開心幸福。」至於有傳栢芝大仔Lucas的學校向栢芝發出最後通牒叫Lucas返學，他覺得傳聞不足信，並為栢芝講好話：「我唔相信Lucas唔返學，家姐對教學好嚴，我唔信啲報道講嘅。（有私人補習？）呢方面好多，都有好多工人照顧得佢哋好好。（家姐帶埋囝囝移民新加坡？）呢樣唔知道。」談到栢芝近期負面新聞多，柏文稱會當看不見，又指栢芝身為母親要照顧兩名小朋友已很辛苦。

另外，柏文透露有客戶想透過他與朋友合資的製作公司找栢芝出席活動，問到兩姊弟是否有商量，他玩食字說：「雙糧？（親情價？）要問家姐經理人，最好有啦！不過都係公私分明。」他又指公司正跟一部荷里活電影洽談合作計劃。

江美儀撐馬賽

同場的江美儀與男友吳君祥出席，她指有留意馬賽激咀內地富婆汪子琦的報道，認為最重要是對方開心，但有網民指馬賽講大話，她力撐對方說：「唔知當日記者點問，可能公司有壓力唔可以講感情事。（唔似你可以大方公開？）我唔理人，我唔係行玉女路線，冇咁大間經理人公司畀壓力。（傳公司暫停佢工作。）係咩？咁咪當放吓假。」她自言不抗拒同性戀，又鼓勵馬賽站出來。