林峯女友吳千語昨日出席活動，與粉絲在台上搽蜜糖，司儀叫粉絲嗌口號：「淋蜂（林峯）蜜！」千語即嗒晒糖。林峯早前表示已Ready生B，但千語坦言責任大，未能配合：「我鍾意小朋友，但唔同自己生，我真係未Ready。之前先問幾時結婚，咁快又跳去生BB！（生咗先結婚？）咁又唔會，要循序漸進，我依家都未享受夠一個人。（係咪要攞咗獎先？）唔係呢個問題，心理上調整好先。」繼而被取笑要林峯久等，問會否怕走寶？她說：「人生行到咁遠，開心簡單就可以維繫到。」

係女仔都鍾意可愛公仔，吳千語都唔例外！