馬賽被揭與林文龍前經理人汪子琦咀爆上海，同性親密關係曝光，而她參演的新劇《法外風雲》，將於本周播出她被王浩信強姦的場面。曾與馬賽傳緋聞的吳卓羲，前晚偕胡杏兒主持商場聖誕亮燈時，與馬賽劃清界線，直言雙方從未拍過拖：「終於還我清白，我同佢唔熟，局外人唔方便講太多。（係咪忍咗啖氣好耐？）咁又唔係。（公司要佢放兩個月假！）相信公司會配合嘅。」

杏兒大騷香肩，與吳卓羲拍住上出騷吸金。

杏兒坦言會支持好姊妹馬賽，更力撐同性戀無罪：「圈入面有好多咁嘅情況，好普遍啫！佢私隱被公開真係有啲心痛，希望件事快啲過去，我都有Message佢，公司要佢放假都冇辦法，始終咁大件事。（佢心情點？）當然麻麻，不過唔想講太多，都擔心影響佢情緒，有叫佢堅強啲！」至於高海寧昨日在活動中透露有跟馬賽聯絡，認為應給予對方空間平復心情。