愛揸辣跑的郭富城，昨日到澳門參加第60屆澳門格蘭披治大賽車的奧迪R8 LMS盃排位賽時，意外撞到前車車尾，雖然「辣車城」在排位賽屈居14，不過仍信心十足，望能在今日比賽躋身三甲！

城城微笑及豎起拇指，相當輕鬆。

城城駕駛的88號戰車（箭嘴示）入髮夾彎時想爬頭，卻撞到前車車尾。

城城駕駛的88號戰車（箭嘴示）

城城受訪時表示滿意自己的表現。

馬清揚昨日參加試車，雖然撞欄，但今天仍能以排第9位出賽。

馬清揚

郭富城化身「辣車城」，昨日在第60屆澳門格蘭披治大賽車的奧迪R8 LMS盃排位賽大騷車技，賽前信心十足的他，試車時吸引不少場內人士圍觀及拍照，他對鏡頭微笑及豎起拇指，相當輕鬆。未知是否賽前突然被閃光燈騷擾，加上要與職業車手同場較技，「辣車城」一時心急輕撞對手車尾釀成意外，屈居14﹗

事後城城接受訪問時輕鬆地說：「係小意外，人冇嘢。當時架車喺髮夾彎轉入大直路時，想追前面架23號，以為自己可以過佢，不過當佢減速時，我又咁啱加速，所以錫一錫佢車尾，都唔算係真意外。（通知阿媽？）唔講喇！小事。」他又指比熱身賽時快了6秒：「今日個比賽入面，有12個係職業車手，自己都覺得滿意。」不過問到今日的賽事時，他坦言信心不大，但希望可以打入業餘組三甲位置。面對今日的超強颱風，城城笑說：「會更刺激，最多還原基本步，慢番6秒。」

馬清揚甩尾撞欄

另外，大生銀行家族後人馬清揚昨日亦有參加賽事，但甩尾撞欄，最後要靠工程吊車送回會場，幸沒大礙，今天可如常比賽。事後本報記者致電身在澳門的馬清揚了解撞車情況，他說：「係後面架車撞到我條胎，咁我就甩尾掉頭撞咗落去欄度，不過啱啱嗰條葡京路好慢，所以冇乜事！（你排11位？）因為罰咗撞我嗰個，佢會減幾個位，所以我升咗兩位，而家係排第9。（郭富城排14？）佢都應該會升一位，係13。」問他可有信心？他說：「都有信心，因為我哋幾個業餘時間都差唔多。」

熱愛賽車的城城以往戰績不俗，於今年8月到馬來西亞參加「Audi R8 LMS Cup」賽事，獲得亞軍。在2012年11月，城城在上海以約34分36.486秒，成為「Audi R8 LMS 盃非專業車手組總季軍」。2010年9月，城城到克里歐中國系列賽車珠海站，在第一回及第二回合中兩度奪冠。2009年3月，城城在珠海參加「泛珠ARF方程式錦標賽」，因賽道濕滑，比賽中段時剷入沙池，跌落包尾，最終追上第九位兼奪得分組季軍。2000年6月，城城到意大利參加《雷諾方程式2000車賽》，在第三輪排名賽中，城城冒死挑戰死亡彎，最終獲得冠軍。