「斷趾」雨僑昨日出席婚紗展，行動不便的她全程篤住拐杖，由工作人員扶住出入，認真淒涼！提到腳傷，雨僑說：「啲工作推得就推啦！好似《喜愛夜蒲3》個角色受到詛咒咁，一係就抑鬱症，一係就跌斷腳，好多新聞。」

雨僑負腳傷出席婚紗展。

對於導演錢國偉炮轟曾善美冒充《喜愛夜蒲3》女主角登台，雨僑大呻慘：「搵食艱難呀！陰功，我嘅價錢係佢哋嘅四倍，所以有啲客戶因為咁而卻步，諗諗吓都係要搵番AD2。」

問到其緋聞男友羅力威可有問候？雨僑稱各有各忙，但有一眾好友向她問好。另外，羅力威昨日出席活動時被問到可有關心雨僑的傷勢？他說：「我哋除咗工作之外都要休息嘅，我又唔係醫生。」