o靚模組合冬甩成員鄭安那（Biona）身高1米73，擁有42吋長腿，但她坦言不介意另一半矮過自己！談到圈中的理想情人，Biona笑言不要曾志偉，只愛王祖藍：「身邊高大嘅男仔全部都鍾意嬌滴滴嘅女仔，所以我唔介意另一半矮過我，可以多個選擇，譬如王祖藍咁，雖然佢細細粒，但勝在份人搞笑又有口才，我成日同人講覺得佢好可愛，有Friend聽完就問我曾志偉啱唔啱心水，但我麻麻哋，因為頂唔順佢把聲，哈哈！」此外，Biona因外貌與前港姐林莉相似而被指是「翻版林莉」，但她不太認同：「好多人都話我似港姐林莉，梗係開心啦，佢咁靚女！不過我真係唔覺似，始終未見過佢真人，所以唔敢講！」

擁有修長美腿的Biona原來鍾意矮男，最欣賞口才出眾的王祖藍！

Biona大讚林莉靚女，對「翻版林莉」之稱愧不敢當！