「扮嘢高手」阮兆祥曾模仿過不少名人紅星，其中以扮韓星Psy和台灣舞王羅志祥最令人眼前一亮！日前，祥仔來到《東網》的《娛樂onShow》，即席與節目主持俞詠文分享「扮嘢」心得，更自爆為求完美，不惜將韓文歌逐句翻譯，又自資弄舞衣，認真出錢又出力。

扮嘢高手祥仔笑言自己其實是偶像派，不介意扮嘢搞笑。

祥仔與主持俞詠文舉杯暢談，笑聲不絕。

祥仔不僅模仿Psy的舞姿，還逐字逐句消化韓文歌詞。

Psy

《娛樂onShow》重溫不少祥仔的扮嘢經典。

阮兆祥（祥仔）「扮嘢」能力高超，曾模仿多個本地、台灣和韓國明星，令觀眾留下深刻印象！日前祥仔獲邀來到《東網》的《娛樂onShow》，與主持俞詠文（Angela）分享「扮嘢」秘訣！問到怎樣能將韓星Psy扮得維肖維妙？祥仔即自認做足功課：「每次唱韓文歌，我真係逐句聽完之後再翻譯出嚟！」

祥仔亦曾扮台灣舞王羅志祥（小豬），更自爆為了模仿他，不惜出錢又出力：「我連扮佢套衫都係自資去做，又請排舞師教我跳舞！」不過要扮得傳神，又豈止是後天的努力，祥仔笑言他與小豬也有相似之處：「其實我好欣賞小豬，佢有做偶像嘅條件，但佢好樂於扮醜、去搞笑，呢點同我好似……」此時Angela即笑說：「即係你同佢都係偶像底子，但唔怕搞笑？」祥仔聞言笑着點頭說：「係呀！因為我平時係行實力，最近先行偶像路線，因為覺得咁樣舒服啲！」

個唱紀念入行30年

明年將是祥仔入行30周年，他將於今年12月舉行個人演唱會，屆時將邀請圈中人前來捧場！Angela問到為何有此構思？祥仔說：「突然有一日望到日曆，原來下年係入行30周年，所以想畀個功課自己，紀念一下！」