無綫小花蔣家旻在新片中與歌手陳奐仁飾演一對，她大讚對方演技好，又笑言現實中不介意發展忘年戀，最緊要是男友「內熟外Young」，認真識揀！

Angel笑言最愛「內熟外Young」的男士，不介意發展忘年戀。

Angel由公仔箱跳到大銀幕，前途無可限量。

於片中與Hanjin飾演一對，Angel大讚「男友」演技了得。

雖然同片有沈震軒等型男，但Angel仍樂於配Hanjin。

最近蔣家旻（Angel）開拓版圖跳入影壇，接連有兩部新片上映，先憑孭飛作《第一次不是你》中的催淚演出獲讚，最近再在《溝女不離三兄弟》中與歌手陳奐仁（Hanjin）發展忘年戀，令人期待。

片中Angel自稱是Hanjin多年前的補習學生，長大後重遇，令Hanjin的生活頓變多姿多采，擦出不少火花。提到Hanjin總是掛着一張「笑佛面」，Angel大讚對方演技了得：「戲中佢好怕事，但對住我就變得好Man，有好大反差！其實佢喺演技方面好有慧根，我哋會交流做戲心得，佢會好認真逐場戲研究，原來佢當年拎新人獎真係有原因。」提到同片尚有型男沈震軒及張建聲兩位男主角，但Angel樂於與Hanjin配成一對：「咁樣仲特別，大家都想睇一個傻傻哋嘅女仔點配一個成日笑嘅男人。」

情迷風趣熟男

問到現實中可介意發展忘年戀？Angel笑言冇所謂，直言最愛童顏卻心智成熟的男士，例如張智霖這類玩得熟男，相當識揀：「我鍾意男仔工作時認真，但平時又風趣，會玩玩具都冇問題，唔沉迷就得，呢啲叫『內熟外Young』！我讀幼稚園時就鍾意林志穎，依家佢仲Keep得好好呀！」