無綫藝員李綺雯早前在網上慷慨晒泳裝照，卻被「圍攻」指她太瘦如平板人，她自言有「事業線」，但原來是指腹肌坑！對於爆胸女星當道，她表示較喜歡健康的鋼條身形。

o靚妹雖然身形瘦削，但瘦得健康一樣性感！

看似弱不禁風，但o靚妹拍劇又從商，實力不容小覷！

o靚妹着Bikini騷腹肌「事業線」，誰知粉絲心痛要她增磅！

李綺雯（o靚妹）雖然臉蛋圓圓，但身形相當瘦削，早前她把多張泳裝照放上網，平板身材表露無遺，即被Fans「圍攻」着她增肥，令她啼笑皆非：「因為有人贊助我泳衣，想問大家邊件好睇，點知冇人理，反而個個話我太瘦！其實我係硬淨有肌肉嘅類型，唔係弱不禁風！（近年磅數輕咗？）我冇磅重，變化應該唔係好大啫！」又自言滿意現時健康的鋼條身形，最近積極練跑，希望數月後參加10公里賽事。

近年不少女星靠「事業線」上位，瘦爆的妹依然自信滿滿：「我都有事業線，不過唔喺心口，係喺個肚度，我腹肌有坑o架！嗰啲事業線睇得太多，不如畀新嘢大家睇吓！」提到早前在劇集《情越海岸線》中谷出深坑，她笑言其身材可大可細：「當時有男友，狂飲佢媽咪嘅湯水，又成日有人陪食飯，所以肥啲！但最緊要係攝咗好多『道具』，依家都可以變番個Magic出嚟o架！」

鍾情變態角色

早前生日的妹終於踏入三字頭，她希望各方面都有突破，向來有參與公關生意的她，將入股朋友的模特兒公司，計劃在商界大展拳腳！問到是否自小已有商業頭腦？她說：「長輩覺得我適合做公關，可能我成日駁嘴，大個就成日諗點幫朋友推廣商品。」又希望多接主持工作及拍劇：「之前《仁心解碼2》個變態角色都幾有回響，我可以再癲啲！演殺人犯同精神分裂都冇問題！」感情方面，回復單身的她不急於拍拖，因為怕太忙而忽略另一半。