曾與陳慧琳（Kelly）、容祖兒及王菀之等歌手合作的唱片監製馮翰銘（Alex Fung），今年決定要為自己多添一個身份，以唱作歌手推出處男唱片，更碌爆人情卡邀得陳奕迅和Kelly等人與他合唱，唱片封套則由攝影大師夏永康操刀，而插畫家小克更主動幫他執筆撰寫全碟歌詞，令他大為感動！

Alex想在其音樂加入古典詩歌之美，別樹一幟！

Alex表示人大了才懂欣賞古人詩詞的美：「我好嬲細個點解用死背嘅方式去記，其實詩詞歌賦一啲都唔悶！所以今次全隻碟都係用詩去做歌詞。」雖然有人立刻在網上批評他的歌，但他一於少理：「做藝人就要接受批評，香港人近排躁，如果鬧吓人可以抒發到佢哋嘅憤怒，甚至用粗口鬧我會舒服啲嘅，你咪鬧囉！我信自己做緊嘅嘢，可能係時空嘅關係佢哋未接受到，但我好相信我嘅音樂同詩可以混埋一齊！」