樂壇新人陳慧敏自爆曾墮入迷失期，幾經艱苦才從谷底爬出來，自此她決心做好工作，更與緋聞男友胡鴻鈞劃清感情線：「全世界嘅男人死晒都唔會揀佢！」她又表示有信心爭奪新人獎，更下巴輕輕「不放對手在眼內」。

慧敏雖然是樂壇新秀，但對自己的實力非常有信心！

慧敏終於出道自然開心，原來背後曾墮入迷失期！

慧敏澄清和Hubert只是「好姊妹」，更指對方是「姣婆」！

曾參加無綫第二屆《超級巨聲》的陳慧敏苦等3年，今年終於正式出道成為樂壇一分子，並於今年底推出首張EP，慧敏說：「有首歌係我為自己嘅一段迷失期而作，咁啱之後有個朋友嘅情況同首歌一模一樣，佢愛一個人愛到迷失自己，如果冇咗嗰個人佢會呼吸唔到！（係咪指你自己？）我都曾經試過有呢個情況，係出道前嘅事，但今次唔係我。」

同屬《巨聲2》的胡鴻鈞（Hubert）曾與慧敏傳緋聞，問到出道前受的情傷是否Hubert所為？慧敏否認傳聞之餘又大呻：「點解個個都話我同胡鴻鈞o架？我哋大家唔啱大家o架！太好朋友，我當佢係女人，一個姣婆嚟o架咋！就算全世界嘅男人死晒都唔會揀佢！」她又表示雖然有追求者，但基於事業理由暫時不考慮拍拖。

與J. Arie成戰友

慧敏將角逐本年度頒獎典禮的新人獎，她坦言對獎項有一定信心，面對同公司的「競爭對手」J. Arie，她視對方為戰友：「我細個參加過跑步比賽，當時我不停望住隔籬個人跑，最後我仆咗喺度，從此我就好清楚知道每一個比賽都係要望住個終點去跑，而唔係望住身邊嘅對手，我好慶幸有佢呢位戰友同我一齊跑。」