前香港女子網球代表、現任無綫藝員李思雅早前與當時香港第一男網球手Phillip King齊齊打全港網球公開賽，結果贏得冠軍，思雅說：「我其實都係上年先識佢，點知大家一夾就贏，之前我都係打Golf多，網球真係好少打，所以都好興奮。」

第一次夾Phillip King打網球，思雅已經贏開巷！

思雅在網球比賽中奪冠，非常威水。

另外，最近思雅忙於做節目《玩轉世界盃》之餘，亦要為台慶的節目綵排，屆時會與廿多位藝人表演花式足球加跳舞，不過就連向來做開運動的她都坦言甚有難度，她說：「真係幾難！不過一班人齊齊排練，又覺得好好玩，我同陳國峰去海南島拍嘢時，有攞埋個足球去練習，希望到時大家做得好睇啦！」