台灣型男吳尊早前自爆秘密結婚及已為人父！事件後他昨日是首度來港出席活動，興奮地分享湊仔樂，向來愛乾淨的他竟然最愛替兒子擦屁股，更自誇是Super Daddy！

吳尊西裝骨骨任嘉賓，很難想像他在家幫囝囝抹Pat Pat的樣子！

吳尊即場扮抱B，果然是Super Daddy！

周麗淇和林峯出席活動時言談甚歡，不時密密傾。

昨日廸生集團旗下、全新一站式化妝美容概念店BEAUTY AVENUE隆重開幕，大會特別邀得台灣型男吳尊、林峯及周麗淇等任嘉賓，其中吳尊甫見記者即呼「爸爸來了」，盡顯慈父之態：「我依家又要拍劇又要湊小朋友，一有假期就會返汶萊，犧牲咗好多休息時間，但值得！（兒子改咗名未？）個名係有開心嘅意義，最重要想佢開心。（囡囡似唔似鍾嘉欣？）未長大唔知，不過似佢都唔錯，佢咁靚女。」他又自稱是Super Daddy，所有照顧小朋友的工夫都識做，最拿手就是替兒子擦屁股：「我最叻係喺佢大便後幫佢擦乾淨，因為我好注重乾淨，家人當中我擦得最乾淨！」問到兒子現時多大？他表示還未足月，工作完便會立即飛返汶萊的他，會提早慶祝囝囝滿月。

買化妝品冧嬌妻

這位廿四孝爸爸不忘感謝嬌妻，指會給太太買化妝品，因為汶萊沒有化妝品買，還考慮數年後開一間化妝品店！問到可會再造人？吳尊說：「有仔女已經覺得好幸運，再生會分散注意力。」提到早前太太被拍得產後發胖，他笑說：「我哋唔會介意呢啲，因為太開心，已經蓋過所有。」