林峯女友吳千語將與星級化妝師Rick Chin踩入電台開咪做主持，兩人昨日在記者會上透露，節目會大談愛情攻略及兩性關係，但千語表示不會講性話題，亦不會邀請男友擔任嘉賓。問到會否大爆拍拖史？她說：「唔會，會講身邊朋友嘅經驗。」她表示沒有想過與男友合作做節目，以免將私事及工作混為一談。

千語將與Rick合作主持電台節目，大談兩性關係。

此外，有指栢芝在新加坡和猛男密會，身為栢芝好友的Rick Chin說：「嗰個係佢滑水教練，佢最近參加咗滑水比賽。」並表示希望對方可快點有新戀情。至於林峯昨日則出席另一個活動，期間提到千語暫未有結婚打算，他說：「我哋係正常人，會順其自然做正常人嘅嘢。」他一再否認送800萬現金給女友作生日禮物：「好搞笑，梗係冇呢件事，我都想識啲咁嘅朋友。」