陳慧琳（Kelly）昨晚到海港城出席以迪士尼為主題的亮燈儀式，她表示被大仔傳染感冒，就連細仔和傭人也病倒，更笑言出外工作才是休息：「喺屋企要講古仔把聲仲沙！（係咪需要隔離？）唔使，老公冇病，靠晒佢！」問到送甚麼聖誕禮物給老公，她表示想送iPad air，卻被對方搶先一步。她又表示兩個兒子對人體器官很好奇：「我帶佢哋去街市講解豬嘅器官。（性教育？）教佢哋畀人掂要Say No！」Kelly又希望帶兒子來看燈飾，問到會否怕像陳奕迅到主題公園被集郵，她說：「畀人認得出都冇辦法，有次帶囝囝去公園，有途人嚟影相，親子樂變咗影相！」

Kelly（左）興奮地拿起聖誕老人衫仔影相，未知是否想送畀細仔「小龍包」呢？

Kelly（中）與卡通人物合照，充滿童真。