製作資源部總監樂易玲被追問馬賽咀內地富婆汪子琦一事，她說：「簡單同佢傾咗幾句，我之後唔喺香港，要再約佢返公司再傾。佢將會休息一、兩個月，暫時未有劇拍。（有冇問佢性取向？）都影得好清楚，藝人嘅私生活的確對工作有影響。（如果佢承認性取向會點處理？）依家有好多圈中人承認咗，我唔會抗拒，不過身為基督徒就覺得唔係咁好。（有說汪子琦會開戲畀馬賽，公司會唔會阻止佢接？）要再同馬賽、公司傾。」
她又承認有不少廣告商致電查詢馬賽情況。而黎耀祥亦撐力馬賽，稱若跟對方再合作亦不會尷尬。
