早前憑節目《玩嘢王》成功出位的李思捷，昨晚繼續「玩嘢」，宣傳其新節目《辣慶王》時更玩自己友！他先拿起一碗雲吞外賣碗送給楊怡，還寸爆說：「呢個只係兜嚟，可以畀你嘔嘛！」明擺楊怡與羅仲謙的緋聞上枱。其後，他又再拿呂慧儀疑似遇小三的事件來開玩笑，指送贈「小衫」給呂慧儀並說：「唔知你屋企有冇位放呢件小衫，送埋黑指甲油畀你又點話呢！」

李思捷送兜畀楊怡，擺她與羅仲謙的戀情上枱谷新節目。

李思捷即場叫呂慧儀收留「小衫」，認真抵死！

不過，寸得最盡則要數羅鈞滿，李思捷笑言要送上一個貼着無綫Logo、吊上鞋擦及鞋油的咪架，好讓羅鈞滿可以邊唱歌邊大擦無綫鞋，最抵死的還唱出「擦鞋歌」，為宣傳一於玩到冇面畀。