積極準備月底由馬天尼娛樂主辦《金至尊珠寶呈獻黎瑞恩ALL FOR LOVE慈善演唱會2013》的黎瑞恩（小恩子），剛考獲電單車牌，昨午偕同三位「黑騎士」方力申、洪天明及黃長興一同試揸演唱會「戰車」。小恩子笑說：「（考牌）老公同老爺冇話唔畀，我揸得好斯文o架！到時會喺觀眾席附近兜圈。依家整緊啲木頭車喺會場外面，畀觀眾免費食魚蛋同叮叮糖嗰啲。（會準時開場？）會呀！我怕佢哋掛住食唔入嚟咋！」

咪睇小恩子斯斯文文，揸電單車時有型有款o架！

小恩子獲洪天明（左起）、孫敬安、方力申及黃長興力撐。